Abdel Ghany PrepSchool

أهلا وسهلا بكم

تشرفنا زيارتكم ونتمنى تواصلكم معنا

إدارة المنتدى

منتدى مدرسة عبد الغنى محمود الاعدادية للبنات


    حوار بين محمد ومولانا الشيخ.........

    شاطر
    avatar
    RadWa
    الكبيــــــــر أوى

    عدد المساهمات : 525
    السٌّمعَة : 16
    تاريخ التسجيل : 19/03/2010
    العمر : 21
    الموقع : النتيت

    default حوار بين محمد ومولانا الشيخ.........

    مُساهمة من طرف RadWa في الأربعاء 24 مارس - 16:19



    -السلام عليكم ورحمه الله وبركاته
    - وعليكم السلام يا مولانا

    - انت اسمك ايه يا حبيبى
    - انا محمد

    - اللـــــــــــــــــه محمد .... اسم جميل على اسم سيدنا النبى عليه الصلاه والسلام
    - عليه افضل الصلاه والسلام

    - انت بتحبه ؟؟
    - اومال ايه يا مولانا فى مسلم ما بيحبش النبى

    - عندك حق والله ... طب ايه اماره حبك ليه يا محمد
    - ما انا بحبه وخلاص يا سدنا الشيخ هو لازم يكون فى اماره

    - اه طبعنا يا ابنى اومال ايه ... الى بيحب النبى لازم يسمع كلامه وينفذه
    - اه طبعا طبعا كلام النبى على عينى وعلى راسى

    - انت بتصلى يا محمد
    -اصلى ........... لا والله ياعم الشيخ

    - ليه ... مش انت لسه بتقول انك بتحب النبى
    - ايوا بحبه طبعا بس.....

    - من غير بس انت تعرف انك وانت ما بتصليش كدا فى فريق من العلماء يراك فاسق وفى فريق اخر يراك كافر

    - اعوذ بالله يا سيدنا كافر ايه بس ما انا مسلم اهو اوريك البطاقه ؟؟


    - المسلم مش بالبطاقه يا حبيبى المسلم بافعاله ... طب انت ما بتصليش ليه ؟؟؟
    تعرف ان الصلاه دى اول شىء هيحاسب عليه المرأ يوم القيامه فان صلحت صلح العمل كله وان فسدت فسد العمل كله

    انت تعرف ان الصلاه عماد الدين .. فمن هدمها فقد هدم الدين ...ينفع تبنى مبنى من غير اعمده ؟؟؟

    تعرف ان الرسول عليه الصلاه والسلام ( ما تصلى عليه ساكت ليه ) قال فى معنى الحديث ان " العهد الذى بيننا وبينهم الصلاه فمن تركها فقد كفر "
    طب انا دلوقتى اما اجى انصح واحد بيشرب خمره بقله اخى المسلم الخمره حرام
    اما اجى انصح واحده متبرجه اقلها اختى المسلمه احتشمى

    طب انت اقلك ايه ؟؟؟ انا ما اقدرش اقلك اخى المسلم ..... والرسول مكفرك بتركك للصلاه
    شارب الخمر والمتبرجه وغيرهم وغيرهم اسمهم عصاه انما انت .............
    تعرف ان شارب الخمر والقاتل والسارق والزانى مصيبتهم اهو من مصيبتك ؟؟

    - يااااااااااه مش للدرجه دى ياعم الشيخ
    - لا والله يا ابنى انت مصيبتك اكبر منهم بكتيييييييييير لأنك هدمت عمود من اعمدع الاسلام
    انما هما مع انهم ارتكبوا كبائر مع ذلك هم لم يهدموا شىء فى بنيان الاسلام

    على فكره يا ابنى انت ما لكش عذر فى ترك الصلاه ؟؟؟ مش قادر تصلى وانت واقف صلى وانت قاعد

    مش قادر تصلى وانت قاعد ....صلى وانت نايم ولو مش قادر يا اخى صلى برموشك فى اكتر من كدا ... عارف لو حتى يا اخى مش قادر تفتح ععاوز قلمين على قفايا ؟؟ صلى بقلبك

    اصلك لازم تصلى ...هتصلى يعنى هتصلى ودا لمصلحتك

    انت عارف يا ابنى ايه هى اركان الاسلام : الشهاده والصلاه والصوم والحج والزكاه

    فتخيل بقى انت مضيع ركن من اركان الاسلام ............موقفك صعب جدا جدا امام الله عز وجل

    ما سالتش نفسك كدا هترد على ربنا بى ايه اما يقلك انت ما كنتش بتصلى ليه ؟؟

    اما يقلك يا عبدى خلقتك فسويتك فجعلتك فى احسن صوره ورزقتك وحفظتك و...و...و( وان تعدوا نعمه الله لاتحصهوها ) ولم يعجزنى ذلك من شىء

    ايعجزك بضع ركعات تركعهما لى شكرا لى على ما انعمت به عليك؟؟ -وانا الغنى عن ذلك –





    - اصل بصراحه كدا ياعم الشيخ الصلاه دى تقيله على قلبى وما بقدرش اما اسمع الاذان اقوم اتوضا واروح ع الجامع عشان اصلى

    - انت مش فاكر يا ابنى فى ليله كدا ما جالكش نوم وجالك ارق فاكر؟؟... فاكر عملت ايه؟؟

    - .............



    - انا هقلك ......... رحت سكت كل الى فى البيت وطفيت النور وغميت ععاوز قلمين على قفايا بحته قماشه ونمت............دا اسمه جهاااااااااد فى سبيل النوم
    انا عاوز برضه تجاهد فى سبيل الصلاه

    مش فاكر فى مره اما رحت تزور واحد مريض وكان مش قادر ياكل بس هو عارف انو لازم ياكل عشان يقدر يعيش ويتحمل الالم فكان بيضع اللقمه فى فمه ويخبط على صدره ويقول لنفسه ابلعى ابلعى

    اهو انا عاوزك تصرخ لنفسك وتقلها صلــــــــــــــــــــــى ....صلى ...صلى قبل ان يصلى عليك فعندها لن ينفعك مالك ولا اولادك ولا اصحابك ولا من فى الارض جميعا


    - يا سيدنا الشيخ اصلى بيبقى ورايا مذاكره كتييييييير وما بقدرش اسبها واروح اصلى
    - يا ابنى ما انت بتقعد بالساعات قدام الماتش وبتسيب المذاكره عشان خاطر الماتش بالرغم من انك مش امى مش ربتنى كويسبان منهم حاجه
    يا ابنى بالصلاه هتامى مش ربتنى كويسب دنيا واخره

    - ازاى يا شيخنا ؟؟
    - اما تصلى يا حبيبى هترضى ربنا وربنا هيوفقك فى مذاكرتك وهينجحك انت مش فاكر زميل ليك فى مره كان بيذاكر ليل نهار وجه فى الامتحانات وبرضه ما عرفش يحل ....عارف ليه ؟؟؟ عشان كان زى حالاتك كدا ...مش مأدى حق الله عليه

    يا ابنى خدها منى نصيحه لازم تصلى الرسول بيقول الصلاه نور فخليها تنور حياتك من غيرها حياه هتكون ضلمه
    انت ما سمعتش عن قول الله عز وجل : " ومن اعرض عن ذكرى فان له معيشه ضنكا ونحشره يوم القيامه اعمى "

    شفت يا ابنى حياه هتكون ضنك فى الدنيا وهتحشر اعمى يوم القيامه والعمى ليس عمى الابصار ولكنه عمى البصيره والقلوب كل دا بسبب عدم الصلاه وعدم ذكرك لله عز وجل.
    معلش يا محمد يا ابنى لو كنت طولت عليك بس دى نصيحى..... لك ان تقبلها او ترفضها ...بس اعرف انت لو رفضتها هتخسر كتير جدا جدا جدا
    avatar
    RaNeN
    الكبيــــــــر أوى

    عدد المساهمات : 544
    السٌّمعَة : 28
    تاريخ التسجيل : 12/03/2010
    العمر : 21
    الموقع : النت

    default ميرسى

    مُساهمة من طرف RaNeN في الأربعاء 24 مارس - 16:43

    شكرا يا رضوى جزاكى الله كل خير
    avatar
    RadWa
    الكبيــــــــر أوى

    عدد المساهمات : 525
    السٌّمعَة : 16
    تاريخ التسجيل : 19/03/2010
    العمر : 21
    الموقع : النتيت

    default رد: حوار بين محمد ومولانا الشيخ.........

    مُساهمة من طرف RadWa في السبت 17 أبريل - 6:35

    شكرا على مرورك
    avatar
    marim
    طالب صغنون
    طالب صغنون

    عدد المساهمات : 47
    السٌّمعَة : 10
    تاريخ التسجيل : 23/08/2010
    العمر : 21
    الموقع : البييييييييييت

    default رد: حوار بين محمد ومولانا الشيخ.........

    مُساهمة من طرف marim في الخميس 7 أكتوبر - 20:55

    فى انتظار المزيد
    avatar
    RadWa
    الكبيــــــــر أوى

    عدد المساهمات : 525
    السٌّمعَة : 16
    تاريخ التسجيل : 19/03/2010
    العمر : 21
    الموقع : النتيت

    default رد: حوار بين محمد ومولانا الشيخ.........

    مُساهمة من طرف RadWa في الخميس 10 فبراير - 0:30

    ان شاء الله يا قمر
    avatar
    RaNeN
    الكبيــــــــر أوى

    عدد المساهمات : 544
    السٌّمعَة : 28
    تاريخ التسجيل : 12/03/2010
    العمر : 21
    الموقع : النت

    default رد: حوار بين محمد ومولانا الشيخ.........

    مُساهمة من طرف RaNeN في الخميس 10 فبراير - 7:05

    we ana kaman Razz
    avatar
    RadWa
    الكبيــــــــر أوى

    عدد المساهمات : 525
    السٌّمعَة : 16
    تاريخ التسجيل : 19/03/2010
    العمر : 21
    الموقع : النتيت

    default رد: حوار بين محمد ومولانا الشيخ.........

    مُساهمة من طرف RadWa في الخميس 10 فبراير - 17:04

    ranen a3dy fe 7ta
    avatar
    RaNeN
    الكبيــــــــر أوى

    عدد المساهمات : 544
    السٌّمعَة : 28
    تاريخ التسجيل : 12/03/2010
    العمر : 21
    الموقع : النت

    default رد: حوار بين محمد ومولانا الشيخ.........

    مُساهمة من طرف RaNeN في الجمعة 11 فبراير - 9:28

    7ader ya mama
    avatar
    RadWa
    الكبيــــــــر أوى

    عدد المساهمات : 525
    السٌّمعَة : 16
    تاريخ التسجيل : 19/03/2010
    العمر : 21
    الموقع : النتيت

    default رد: حوار بين محمد ومولانا الشيخ.........

    مُساهمة من طرف RadWa في الجمعة 11 فبراير - 15:05

    hhhhhhhhhhhhhhhhh

      الوقت/التاريخ الآن هو الثلاثاء 17 يوليو - 0:05